Nyumbani › Agano la Kale › Mwanzo

Mwanzo 13
Abram na Lutu

Sura ya kumi na tatu inasimulia jinsi Abram anavyorudi Kanaani akiwa na mali nyingi. Mifugo yake na ya mpwa wake Lutu ni mingi mno kiasi kwamba hawawezi kukaa pamoja: Abram anamwacha Lutu achague, na Lutu anakwenda kwenye nchi tambarare yenye rutuba ya Yordani, karibu na Sodoma. Kisha Yahwe anamwahidi Abram nchi yote anayoiona na uzao mwingi kama mavumbi ya nchi.

Mistari 1–4

Kurudi Betheli

Kwa hiyo Abram akaondoka akatoka Misri na akaenda Negebu, Yeye, mke wake, na vyote alivyokuwa navyo. Lutu pia akaenda pamoja naye.

Na sasa Abram alikuwa tajiri wa mifugo, fedha na dhahabu.

Aliendelea na safari yake kutoka Negebu hadi Betheli, mahali ambapo hema yake ilikuwa tangu mwanzo, kati ya Betheli na mji wa Ai.

Akaenda mahali ambapo madhabahu ilikuwa imejengwa mwanzoni. Hapa akaliitia jina la Yahwe.

Akiwa na fimbo mkononi, Abram anaongoza msafara mrefu katika vilima vya Kanaani: Sarai juu ya punda, Lutu, ngamia waliobeba masanduku na vyombo vya dhahabu, mifugo; juu ya kilima kati ya miji miwili, madhabahu ya zamani inatoa moshi.

Mistari 5–7

Ugomvi wa wachungaji

aliyekuwa anasafiri na Abram, alikuwa pia na ngo'mbe, makundi ya mifugo, na mahema.

Nchi haikuwatosha wote kukaa pamoja karibu kwa sababu mali zao zilikuwa nyingi sana, kiasi kwamba hawakuweza kukaa pamoja.

Pia, kulikuwa na ugomvi kati ya wachunga wanyama wa Abram na wachunga wanyama wa Lutu. Wakanaani pamoja na Waperizi walikuwa wakiishi katika nchi ile wakati huo.

Kuzunguka kisima cha mawe, makundi mawili ya wachungaji wanabishana kwa ishara kubwa katikati ya mifugo iliyosongamana; juu ya kilima kuna mji wa Wakanaani.

Mistari 8–13

Lutu anachagua tambarare ya Yordani

Kwa hiyo Abram akamwambia Lutu, “Pasiwe na ugomvi kati yako na mimi, na kati ya wachunga wanyama wako na wachunga wanyama wangu; licha ya hayo sisi ni familia.

Je nchi hii yote haiko mbele yako? Nenda na ujitenge na mi. Ikiwa utakwenda kushoto, mimi nitakwenda kulia. au ikiwa utakwenda kulia, mimi nitakwenda kushoto.”

Kwa hiyo Lutu akatazama, na akaona kuwa nchi yote tambarare ya Yorodani ilikuwa na maji kila mahali hadi Zoari, kama vile bustani ya Yahwe, na kama nchi ya Misri. Hii ilikuwa ni kabla Yahwe hajaiangamiza Sodoma na Gomora.

Kwa hiyo Lutu akajichagulia yeye mwenyewe nchi tambarare ya Yorodani na akasafiri mashariki, na ndugu hawa wakatengana wao kwa wao.

Abram akaishi katika nchi ya Kanaani, na Lutu akaishi katika miji ya tambarare. Akatandaza hema zake hadi Sodoma.

Na sasa watu wa Sodoma walikuwa waovu na wenye dhambi nyingi dhidi ya Yahwe.

Juu ya ukingo wa mwamba, Abram ananyoosha mkono kuelekea nchi huku Lutu akitazama bonde la kijani la Yordani lenye mto, mitende na mji wenye kuta; nyuma yao kuna Sarai na mifugo.

Mistari 14–17

“Angalia kuanzia mahali ulipo”

Yahwe akamwambia Abram baada ya Lutu kuondoka kwake, “Angalia kuanzia mahali ulipo simama hadi kaskazini, kusini, mashariki, na magharibi.

Nchi yote hii uionayo, nitakupatia wewe pamoja na uzao wako milele.

Nitawafanya uzao wako kuwa wengi kama mavumbi ya nchi, kiasi kwamba kama kuna mtu anaweza kuhesabu mavumbi ya nchi, ndipo na uzao wako pia utahesabika.

Inuka, tembea katika urefu na upana wa nchi hii, kwa kuwa nitakupatia.”

Jua likizama, Abram, akionekana kwa nyuma, amesimama juu ya kilima mikono wazi akitazama nchi hadi baharini; chini kabisa, msafara wa Lutu unaelekea tambarare.

Mstari wa 18

Mialoni ya Mamre

Kwa hiyo Abram akachukua hema yake, akaja na kukaa katika mwaloni wa Mamre, ambao uko Hebroni, na pale akajenga Madhabahu ya Yahwe.

Chini ya mialoni mikubwa mbele ya hema, Abram amepiga magoti akiinua mikono mbele ya madhabahu ya mawe inayotoa moshi; Sarai, wanawake wa kambi na mifugo wako karibu, na Hebroni kwa mbali.

Mwanzo 13Abram na Lutu