Nyumbani › Agano la Kale › Mwanzo
Mwanzo 11
Mnara wa Babeli
Sura ya kumi na moja inasimulia mnara wa Babeli: watu wanaozungumza lugha moja wanataka kujifanyia jina kwa kujenga mnara unaofika angani, lakini Yahwe anavuruga lugha yao na kuwatawanya. Kisha vizazi vya Shemu vinafikia Tera, anayetoka Uri pamoja na mwanawe Abram.
Maandiko: Biblia Takatifu, Unlocked Literal Bible, © 2019, CC BY-SA 4.0. Vichwa, utangulizi na picha: Imago Biblia.
Mistari 1–4
“Tujenge mji na mnara”
Sasa nchi yote ilikuwa inatumia lugha moja na ilikua na usemi mmoja.
Ikawa waliposafiri upande wa mashariki, wakaona eneo tambarare katika nchi ya Shinari na wakakaa pale.
Wakasemezana, “Haya njoni, tufanye matofari na tuyachome kikamilifu.” Walikuwa na matofari badala ya mawe na lami kama chokaa.
Wakasema, “njoni, na tujenge mji sisi wenyewe na mnara ambao kilele chake kitafika angani, na tujifanyie jina. Kama hatutafanya, basi tutatawanyika katika uso wa nchi yote.”
Mistari 5–9
Kuvurugwa kwa lugha
Kwa hiyo Yahwe akashuka kuona mji na mnara ambao wazao wa Ibrahimu walikuwa wamejenga.
Yahwe akasema, “Tazama, watu hawa ni taifa moja na lugha moja, na wameanza kufanya hivi! Hivikaribuni halitashindikana jambo watakalo kusudia kulifanya.
Njoni, tushuke na tuvuruge lugha yao pale, ili kwamba wasielewane.”
Kwa hiyo Yahwe akawatawanya kutoka pale kwenda pande zote za uso wa nchi na wakaacha kujenga mji.
Kwa hiyo, jina lake ukaitwa Babeli, kwa sababu hapo Yahwe alivuruga lugha ya nchi yote na tangu pale Yahwe akawatawanya ng'ambo juu ya uso wa nchi yote.
Mistari 10–26
Kutoka Shemu hadi Abram
Hivi ndivyo vilikuwa vizazi vya Shemu. Shemu alikuwa na umri wa miaka mia moja, na akamzaa Alfaksadi miaka miwili baada ya gharika.
Shemu akaishi miaka miatano baada ya kumzaa Alfaksadi. Pia akazaa wana wengine wa kiume na wa kike.
Wakati Alfaksadi alipokuwa ameishi miaka thelathini na mitano akamzaa Shela.
Alfaksadi aliishi miaka 403 baada ya kumzaa Shela. Akawazaa pia wana wengine wa kiume na wa kike.
Wakati Shela alipokuwa ameishi miaka thelathini, akamzaa Eberi.
Shela aliishi miaka 403 baada ya kumzaa Eberi. Akawazaa pia wana wengine wa kiume na wa kike.
Wakati Eberi alipokuwa ameishi miaka thelathini na minne, akamzaa Pelegi.
Eberi aliishi miaka 430 baada ya kumzaa Pelegi. Akawazaa pia wana wengine wa kiume na wa kike.
Wakati Pelegi alipokuwa ameishi miaka thelathini, akamzaa Reu.
Pelegi aliishi miaka 209 baada ya kumza a Reu. Akawazaa pia wana wengine wa kiume na wa kike.
Wakati Reu alipokuwa ameishi miaka thelathini na miwili, alimzaa Serugi.
Reu aliishi miaka207 baada ya kumzaa Seregu. Akawazaa pia wana wengine wa kiume na wa kike.
Wakati Seregu alipokuwa ameishi miaka thelathini, akamzaa Nahori.
Seregu aliishi miaka mia mbili baada ya kumzaa Nahori. Akawazaa pia wana wengine wa kiume na wa kike.
Wakati Nahori alipokuwa ameishi miaka ishirini na tisa, akamzaa Tera.
Nahori aliishi mika 119 baada ya kumzaa Tera. Akawazaa pia wana wengine wa kiume na wa kike.
Baada ya Tera kuishi miaka sabini, akamzaa Abram, Nahori, na Haran.
- Shemu · miaka 600
- Alfaksadi · miaka 438
- Shela · miaka 433
- Eberi · miaka 464
- Pelegi · miaka 239
- Reu · miaka 239
- Serugi · miaka 230
- Nahori · miaka 148
- Tera · miaka 205
- Abram
- Nahori
- Harani
Mistari 27–32
Kuondoka Uri wa Wakaldayo
Hivi ndivyo vilikuwa vizazi vya Tera. Tera alimzaa Abram, Nahori, na Harani, na Harani akamzaa Lutu.
Harani akafa machoni pa baba yake Tera katika nchi aliyozaliwa, katika Ur wa Wakaldayo.
Abram na Nahori wakajitwalia wake. Mke wa Abram aliitwa Sarai na mke wa Nahori aliitwa Milka, binti wa Harani, aliyekuwa baba wa Milka na Iska.
Sasa Sarai alikuwa Tasa; hakuwa na mtoto.
Tera akamtwaa Abram mwanawe, Lutu mwana wa mwanawe Harani, na Sarai mkwewe, mke wa mwanawe Abram, na kwa pamoja wakatoka Ur wa Wakaldayo, kwenda katika nchi ya Kanaani. Lakini walipofika Harani wakakaa pale.
Tera akaishi miaka 205 kisha akafa hapao Harani.
